"BrainX" Klubu 2022-ci ildən fəaliyyət göstərir, şəhərimizdə və bölgəmizdə gənclər və tələbələr üçün ödənişli və ödənişsiz seminar, görüş, təlim və dərslərin təşkil olunduğu azad özünü idarəetmə forması olan sosial inkişaf klubudur.
Klubun əsas məqsədi gənclərin düzgün istiqamətdə karyera və təhsil həyatına öz töhvələrini verilməkdir.
Yaranma tarixi: 13 fevral 2022
Klub təsisçiləri: Rüfət Qənbərov, Hüseyn Həsənli
Klubun sədri: Rüfət Qənbərov
İdarə heyyəti: Hüseyn Həsənli, Nicat Əliyev, Rüfət Qənbərov, Leyla Əzizova, Leyla Məmmədli, Rəsul Nuruzadə
Görüşlərin əhatə etdiyi rayon və şəhərlər: Lənkəran, Astara, Masallı, Cəlilabad, Biləsuvar, Lerik.
Klubun fəaliyyətində dəstək olan şəxslər: Həsən Rəhimli, Reyhanə Sadıxova
Klubun əməkdaşlıq və tərəfdaşlıq etdiyi qurumlar və özəl müəsisələr:
Maximum Education Consulting MMC
Lənkəran Şəhər Heydər Əliyev Mərkəzi
Lənkəran KOB dostu
KOBİM Lənkəran
FRC Company MMC
alsan.az
2022-cil ildən fəaliyyətdə olan "Brain X" klub müxtəlif görüş, seminar, təlim və dərslərin təşkilatçılığını həyata keçirir.
QISA ZAMANDA GÖRDÜYÜ İŞLƏR:
-
400 nəfərdən çox gəncə layihə haqda məlumatlandırma
-
200 gənc müraciət edərək qeydiyyatdan keçdi.
-
140 nəfər gənc görüşlərimizdə iştirak etdi.
-
60 fəal gəncin aşkarlanması.
-
30 gün müddətində 35 təlimin keçilməsi
-
22 nəfərə fərqlənmə sertifikatı verilib.
"Brain X" 3 əsas istiqamət üzrə fəaliyyət göstərir:
1) Tədris
2) Layihələrin yazılması
3) Müsabiqələrə hazırlıq
Tədris 9 bölmə üzrə təşkil olunur:
1. Asan Mühasib
2. Biznes və Sahibkarlıq
3. SMM menecerliyi
4. Effektiv satış və onun alətləri
5. Menecment
6. Praktik psixologiya
7. Veb proqramlaşdırma
8. Sosial müzakirələr
9. E-Ticarət
2) Dövlət və beynəlxalq təşkilatların elan etdiyi layihələrlə bağlı məlumatın gənclərə çatdırılması və onların layihə yazılması ilə bağlı məlumatlandırma.
3) Potensiallı gənclər hazırlamaqla respublikada olan müxtəlif ideya, biznes və startupla bağlı yarışlara eləcə də qrant müsabiqələrə hazırlamaq.
Brain X Klubunun Əsasnaməsi
Ⅰ. ÜMUMİ MÜDDƏALAR
1.1. “Brain X klubu” ümumi maraqlar və könüllülük prinsipləri əsasında Klubun üzvləri və eyni zamanda şəhərimizin gəncləri, potensiallı məktəbliləri, tələbələri arasında əlaqə yaratmaq, gənclərin ixtisas səviyyələri üzrə praktiki bacarıqlarla təmin ətmək məqsədi ilə təsis edilir.
1.2. Klub Əsasnaməyə uyğun olaraq fəaliyyət göstərir və öz səlahiyyətləri çərçivəsində “Maximum” təhsil mərkəzinin nəzdində müstəqildir.
1.3. Klub “Maximum” təhsil mərkəzinin səlahiyyətləri çərçivəsində dövlət orqanları, qeyri-hökumət təşkilatları və beynəlxalq təşkilatlarla qarşılıqlı əlaqələr yarada bilər.
1.4. Klub əhatə etdiyi imkanlar çərçivəsində üzvlərinin yerli və beynəlxalq layihələrə, yerli və beynəlxalq qrant müsabiqələrə çıxışını təmin edir.
II. KLUBUN ƏSAS MƏQSƏD VƏ VƏZİFƏLƏRİ
2.1. Klubun əsas məqsədi Klubun üzvlərinin asudə vaxtını səmərəli təşkili, gənclərin potensial qabiliyyətlərini üzə çıxarılması, gənclərin 9 kateqoriya üzrə ixtisaslaşmasını təmin edilməsi, onların biznes görüşlərini inkişaf etdirilməsi, onların sosial əlaqələrinin genişləndirilməsi, müxtəlif layihələrlə işləmək bacarıqlarının artırılması, Klub üzvlərinin sahibkarlara çıxışını təmin edilməsi, və bu işdə onlara yardım edilməsidir.
2.2. Klubun əsas vəzifələri bunlardır:
2.2.1. Klubun üzvlərinin asudə vaxtını səmərəli təşkil etmək
2.2.2. Klubun üzvlərinin iştirakı ilə ixtisaslaşma üzrə təlimlərin keçirilməsini təşkil etmək;
2.2.3 Gənclərin sosial yönümlü marağını artırmaq;
2.2.4. Klubun üzvləri arasında praktiki ixtisaslaşmanı artırmaq;
2.2.5. Klubun üzvlərini “Maximum” təhsil mərkəzinin nəzdində respublikadaxili və beynəlxalq qrant müsabiqələrə çıxışını təmin etmək;
2.2.6. Gənclərin müxtəlif layihələrlə işləmək bacarıqlarının artırmaq;
2.2.7.Gənclərin biznes görüşlərini artırmaq .
III. KLUBA ÜZVLÜK, ÜZVLƏRİN HÜQUQ VƏ VƏZİFƏLƏRİ
3.1. Kluba üzvlük könüllü xarakter daşıyır.
3.2. Kluba üzvlərin qəbulu ilk 100 nəfər onlayn qeydiyyat formasında hazırlanan müraciət anketi vasitəsilə həyata keçirilmişdir. Kluba üzv olmaq istəyənlər İdarə Heyətinə müraciət edir, müraciətə baxılır və müsbət nəticə bildirildikdə üzvlüyə qəbul həyata keçirilir.
3.3. Klubun üzvləri bərabər hüquqludur və aşağıdakı hüquqlara malikdirlər:
3.3.1. Azad fikir bildirmək;
3.3.2. Klubun seçkili orqanlarını seçmək və onlara seçilmək;
3.3.3. Klubun “Maximum” təhsil mərkəzinin nəzdində təşkil etdiyi tədbirlərdə iştirak etmək;
3.3.4. Klubun fəaliyyəti barədə məlumat almaq;
3.3.5. Müxtəlif təkliflərlə çıxış etmək;
3.4. Klubun üzvləri aşağıdakı vəzifələri daşıyırlar:
3.4.1. Klubun Əsasnaməsinə əməl etmək;
3.4.2. Keçirilən təlimlərə məsuliyyətlə yanaşmaq.
3.4.4. Klub daxilində etik normalara riaəyət etmək;
3.5. Klubun üzvlüyünə aşağıdakı hallarda xitam verilir:
3.5.1. Klub ləğv edildikdə;
3.5.2. Könüllü olaraq Klubun üzvlüyündən çıxdıqda;
3.5.3. Klub daxilində etik normaları pozduqda.
3.5.4. Klubun keçirdiyi təlimlərə səbəbsiz şəkildə uzunmüddətli qoşulmadıqda;
3.6. Klubun üzvü üzvlüyünə xitam verilməsindən narazı qaldıqda Klub idarəçiliyinə şikayət etmək hüququ var.
IV. KLUBUN STRUKTURU VƏ İDARƏETMƏ ORQANLARI
4.1. Klubun strukturu və idareətmə orqanları aşağıdakılardır:
4.1.1. Sədr
4.1.2. Sədr müavini
4.1.3. İdarə Heyəti (İH)
SƏDR
4.2. Kluba Klubun sədri rəhbərlik edir.
4.3. Klubun sədri:
4.3.1. Klubun fəaliyyətinə ümumi rəhbərliyi həyat keçirir, icraedici funksiya daşıyır;
4.3.2. Klubu təmsil edir və onun adından çıxış edir;
4.3.3. Klubun Əsasnaməsinə əlavə və ya dəyişikliklər təklif edir;
4.3.4. Səlahiyyətinə aid edilmiş qərarların icrasını təşkil edir;
4.3.5. Klubu “Maximum” təhsil mərkəzinin nəzdində respublikada və onun hüdudlarından kənarda təmsil etmək üçün yığma komandanı formalaşdırır və yığma komandaya görə məsuliyyət daşıyır.
4.3.6. “Maximum” təhsil mərkəzinin nəzdində hazırlanmış layihələrin maliyyələşdirilməsinə nəzarət edir;
4.3.7. Öz fəaliyyəti ilə bağlı klubun üzvləri qarşısında hesabat verir;
4.3.8. Təşkilat tərəfindən ona aid edilmiş funksiyaları həyata keçirir.
4.4. Sədrin fəaliyyətinə aşağıdakı hallarda xitam verilir:
4.4.1. Klub daxilindəki komandaların şikayəti əsasında, İH Sədrin fəaliyyətsizliyi barədə qərar qəbul edərsə;
4.4.2. Könüllü istefa verərsə;
4.5. Sədrin fəaliyyətinə xitam verildiyi halda növbəti seçkiyə qədər Kluba Sədr müavini başçılıq edir.
SƏDR MÜAVNİ
4.6. Sədr müavini
4.6.1. İdarəçilik,qanunvericilik, icraedicilik, klubun inkişafi ilə bağı layihələri hazırlayır;
4.6.2. Hazırladığı layihələrə görə məsuliyyət daşıyır və icrasına birbaşa cavabdehdir;
4.6.3. “Maximum” təhsil mərkəzinin nəzdində Kütləvi İnformasiya Vasitələri (KİV) ilə, Qeyri Hökumət Təşkilatları (QHT) ilə və digər klublarla əlaqə məsələləri ilə məşğul olur;
4.6.4. Kluba yeni gənclərin cəlb edilməsi işinə rəhbərlik edir;
4.6.5. Klubun sədri olmadıqda və ya fəaliyyətinə xitam verildikdə onun səlahiyyətlərini sədr müavini həyata keçirir; 4.6.6. Sədr müavini, həmçinin klubun sədri tərəfindən ona həvalə olunmuş məsələləri həyata keçirir;
4.7. Sədr müvaini fəaliyyətinə aşağıdakı hallarda xitam verilə bilər:
4.7.1. Klubdakı komandaların əksəriyyəti (yarıdan çoxu) tərəfindən Sədr müavini fəaliyyətsizliyi barədə Sədrə edilən şikayəti İH təsdiq edərsə;
4.7.2. Könüllü istefa verərsə;
4.8. Sədr müavini fəaliyyətinə xitam verildiyi halda növbəti seçkiyə qədər onun səlahiyyətlərini Sədr tərəfindən təyin olunmuş şəxs yerinə yetirir.
İDARƏ HEYƏTİ (İH)
5.1. İH Klubun fəaliyyət planlarını və layihələrini təsdiq edir, səlahiyyətləri çərçivəsində digər məsələlər üzrə qərarlar qəbul edir. İH tərkibi 14 (on dörd) nəfərdən ibarətdir:
- Praktik psixologiya üzrə qrup rəhbəri;
- Effektiv satış və onun alətləri üzrə qrup rəhbəri;
- Biznes və sahibkarlıq; İqtisadiyyat üzrə qrup rəhbəri;
- Sosial media marketinqi üzrə qrup rəhbəri;
- Layihə üzrə təşkilatçı; Fəlsəfə üzrə qrup rəhbəri;
- Asan mühasib üzrə qrup rəhbəri;
- E-ticarət üzrə qrup rəhbəri;
- Sosial media marketinqi üzrə işlərin təkilatçısı;
- Nizam-intizam işləri üzrə məsul şəxslər;
- Qruplarla iş məsələləri üzrə IH üzvü;
- İctimai əlaqələr üzrə məsul şəxs (PR);
5.1.1Bundan başqa İH üzvləri İH-nın müzakirəsinə çıxarılmış məsələləri sadə səsvermə yolu ilə qəbul və ya rədd etmək səlahiyyətlərinə malikdir.
5.2. Nizam-intizam işləri üzrə İH üzvü:
5.2.1. Nizam intizam məsələləri ilə bağlı layihələr irəli sürür , klubda nizam intizamın artırılması ilə bağlı işləri həyata keçirir;
5.2.2. Qayda pozuntusu edən qrup və ya qrup üzvünü İH-ə təqdim edir və görülən tədbir haqqında Klub üzvlərinə məlumat verir;
5.3. “Qruplarla iş” məsələləri üzrə İH üzvü:
5.3.1. Klubun daxilində klubun keçirəcəyi müxtəlif təlimlər və digər məsələlərlə bağlı qrupları məlumatlandırmaq;
5.3.2. Klubun Əsasnaməsinə əlavə və ya dəyişikliklər edilməsi barədə təkliflərin verilməsi;
5.3.3. Klubun strukturunda dəyişikliklər edilməsi barədə təkliflər verilməsi;
5.3.4. Klubun fəaliyyəti və qrupların təlim gedişatı ilə bağlı müzakirə etmək və qərar qəbul etmək;
5.3.5. Bu Əsasnamədə nəzərdə tutulmuş digər məsələlər.
5.4. İH-nin üzvlərinin fəaliyyətinə aşağıdakı hallarda xitam verilir:
5.4.1. Onun Klub üzvlüyünə xitam verildikdə;
5.4.2. Klub üzvlərinin yarıdan çoxu İH üzvünün fəaliyyətsizliyi barədə Sədrə şikayət etdikdə və Sədr müavini bunu təsdiqlədikdə;
5.4.3. Səbəbsiz olaraq İH-nin iclaslarında iştirak etmədikdə;
5.4.4. Öz istəyinə əsasən.
5.4.5. İH üzvünün fəaliyyətinə xitam verildikdə onun səlahiyyətlərini Sədr tərəfindən təyin olunmuş şəxs yerinə yetirir.
V. KLUBUN FƏALİYYƏTİNİN TƏŞKİLİ VƏ LAYİHƏLƏRİ
6.1. “Maximum” təhsil mərkəzinin nəzdində Klubun maliyyə fəaliyyəti sponsorlar, könüllü ianələr, yerli və xarici təşkilatlardan alınmış qrantlar hesabına maliyyələşdirilə bilər.
6.2. Klubun büdcə layihəsi İH-nin sadə səs çoxluğu ilə qəbul edilir və Sədr tərəfindən təsdiq oluna bilər.
6.3. “Maximum” təhsil mərkəzinin nəzdində Klub həyata keçiriləcək tədbirlər üçün layihə təklifi ilə çıxış edir. Yalnız layihə təklifi bəyənildikdən sonra onun maliyyələşdirilməsi həyata keçirilir.
VI. KLUBUN FƏALİYYƏTİNƏ XİTAM VERİLMƏSİ
7.1. Qrup üzvlərinin 3/4 səs çoxluğu ilə qəbul edilmiş qərarı olarsa və İH-də bu məsələyə razı olanların sayı narazı olanların sayından çox olduğu halda Klubun fəaliyyətinə xitam verilə bilər
7.2. Klubun fəaliyyətinə xitam verilməsi mövcud standartlarla nəzərdə tutulmuş qaydada həyata keçirilir.
YEKUN MÜDDƏALAR
8.1. Bu Əsasnaməyə İH-ın qəbul və Sədrin təsdiqindən sonra əlavə və dəyişikliklər edilə bilər.
8.2. Gələcəkdə bu Əsasnamənin müddəaları qanunvericiliklə ziddiyyət təşkil edərsə, qanunvericiliyin müddəaları tətbiq edilə və Əsasnamə yenisi ilə əvəz oluna bilər.