“GÜCLÜ QADIN” KLUBUNUN ƏSASNAMƏSİ
I. ÜMUMİ MÜDDƏALAR
1.1.”Güclü Qadın Klubu” ümumi maraqlar və könüllülük prinsipləri əsasında Klubun üzvləri və eyni zamanda şəhərimizin xanım üzvləri arasında əlaqə yaratmaq, onların cəmiyyətdə ifadə, asudə vaxtının səmərləi keçirilməsi və işgüzar fəaliyyətə cəlb olunması, və intellektual fəaliyyətini təmin ətmək məqsədi ilə təsis edilir.
1.2. Klub Azərbaycan Respublikasının qanunvericiliyinə, və bu Əsasnaməyə uyğun olaraq fəaliyyət göstərir və öz səlahiyyətləri çərçivəsində müstəqildir.
1.3. Klub səlahiyyətləri çərçivəsində dövlət orqanları, qeyri-hökumət təşkilatları və beynəlxalq təşkilatlarla eləcə də özəl şirkətlərlə qarşılıqlı əlaqələr yarada bilər.
II. KLUBUN ƏSAS MƏQSƏD VƏ VƏZİFƏLƏRİ
2.1. Klubun əsas məqsədi Klubun xanım üzvlərinin asudə vaxtını səmərəli təşkil etmək, özünüifadə və təqdimetmə ilə bağlı dəstək olmaq ,xanımların bilik və bacarılarını artırmaqla intellektual potensialını üzə çıxarmaq, kiçik və orta bizneslərin qurulmasında onların fəal iştirakını təmin etmək, dünya görüşlərinin artmasına çalışmaq və inkişaflarına səbəb olacaq büün işlərdə onlara yardım etmək.
2.2. Klubun əsas vəzifələri bunlardır:
2.2.1. Klubun üzvlərinin asudə vaxtını səmərəli təşkil etmək
2.2.2. Klubun üzvlərinin iştirakı ilə müxtəlif növ intellektual oyunlar, təşkil etmək
2.2.3 Xanımların elm və təhsilə marağını artırmaq;
2.2.4. Klubun üzvləri arasında dostluq və şəbəkələşməni təbliğ və inkişaf etdirmək;
2.2.5. Klubun üzvlərini ölkədə baş verən bütün aktiv seminar və təlimlərə yönləndirilməsini həyata keçirmək;
2.2.6. Respublikanın daxilində və hüdudlarından kənarda keçirilən xanımlarla bağlı fəaliyyətlərə istedadlı Klub üzvlərinin iştirakının təmin edilməsi;
2.2.7. Qadağan olunmayan digər vəzifələrin həyata keçirilməsi.
III. KLUBA ÜZVLÜK, ÜZVLƏRİN HÜQUQ VƏ VƏZİFƏLƏRİ
3.1. Kluba üzvlük könüllü xarakter daşıyır və ödənişlidir. Bütün klub üzvləri ilə daxili qaydalar və fəaliyyətlə bağlı müqavilə bağlanılır.
3.2. Kluba üzvlərin qəbulu Klubun İdarə Heyəti tərəfindən həyata keçirilir. Kluba üzv olmaq istəyənlər Klubun İdarə Heyətinə müraciət edir, müraciətə baxılır və müsbət nəticə bildirildikdə üzvlüyə qəbul həyata keçirilir.
3.3. Klubun üzvləri bərabər hüquqludurlar və aşağıdakı hüquqlara malikdirlər:
3.3.1. Klubun idarəçiliyində iştirak etmək;
3.3.2. Klubun seçkili orqanlarını seçmək və onlara seçilmək;
3.3.3. Klubun təşkil etdiyi tədbirlərdə iştirak etmək;
3.3.4. Klubun fəaliyyəti barədə məlumat almaq;
3.3.5. Müxtəlif təkliflərlə çıxış etmək;
3.4. Klubun üzvləri aşağıdakı vəzifələri daşıyırlar:
3.4.1. Klubun Əsasnaməsinə əməl etmək;
3.4.2. Klubun orqanlarının qərarlarını yerinə yetirmək;
3.4.3. Gördüyü işlərə məsuliyyətlə yanaşmaq.
3.5. Klubun üzvlüyünə aşağıdakı hallarda xitam verilir:
3.5.1. Klub ləğv edildikdə;
3.5.2. Könüllü olaraq Klubun üzvlüyündən çıxdıqda;
3.5.3. Klubun nizam-intizam komissiyasının qərarı ilə üzvlükdən çıxarıldıqda.
3.6. Klubun üzvü üzvlüyünə xitam verilməsindən narazı qaldıqda Klub rəhbərliyinə şikayət etmək hüququ var.
IV. KLUBUN STRUKTURU VƏ İDARƏETMƏ ORQANLARI
4.1. Klubun strukturu və idareətmə orqanları aşağıdakılardır:
4.1.1. Sədr – Maximum Education Consulting MMC
4.1.2. Sədr müavini
4.1.3. İdarə Heyəti (İH)
SƏDR
4.2. Kluba Maximum Education Consulting MMC sədrlik edir.
4.3. Klubun sədri:
4.3.1. Klubun fəaliyyətinə ümumi rəhbərliyi həyat keçirir, icraedici və sərəncamverici funksiyalar daşıyır;
4.3.2. Klubu təmsil edir və onun adından çıxış edir;
4.3.3. Klubun Əsasnaməsinə əlavə və ya dəyişikliklər təklif edir;
4.3.4. Səlahiyyətinə aid edilmiş qərarların icrasını təşkil edir;
4.3.5. Klubu respublikada və onun hüdudlarından kənarda təmsil etmək üçün yığma komandanı formalaşdırır və yığma komandaya görə məsuliyyət daşıyır.
4.3.6. Hazırlanmış layihələrin maliyyələşdirilməsinə nəzarət edir;
4.3.7. Öz fəaliyyəti ilə bağlı klubun üzvləri qarşısında hesabat verir;
4.3.8. Təşkilat tərəfindən ona aid edilmiş funksiyaları həyata keçirir.
SƏDR MÜAVİNİ
4.6.Sədr müavini:
4.7.1. İdarəçilik, qanunvericilik, icraedicilik, müxtəlif turnirlər və klubun inkişafi ilə bağlı layihələri hazırlayır;
4.7.2. Hazırladığı layihələrə görə məsuliyyət daşıyır və icrasına birbaşa cavabdehdir;
4.7.3. Kütləvi İnformasiya Vasitələri (KİV) ilə, Qeyri Hökumət Təşkilatları (QHT) ilə və digər klublarla əlaqə məsələləri ilə məşğul olur;
4.7.4. Kluba yeni üzvlərin cəlb edilməsi işinə rəhbərlik edir;
4.7.5. Klubun sədri olmadıqda onun səlahiyyətlərini sədr müavini həyata keçirir;
4.7.6. Sədr müavini, həmçinin klubun sədri tərəfindən ona həvalə olunmuş məsələləri həyata keçirir;
4.8. Sədr müavinin fəaliyyətinə aşağıdakı hallarda xitam verilə bilər:
4.8.1. Klubdakı üzvlərin əksəriyyəti (yarıdan çoxu) tərəfindən sədr müavininin fəaliyyətsizliyi barədə sədrə edilən şikayəti İH təsdiq edərsə;
4.8.2. Könüllü istefa verərsə;
4.9. Sədr müavininin fəaliyyətinə xitam verildiyi halda növbəti seçkiyə qədər onun səlahiyyətlərini Sədr tərəfindən təyin olunmuş şəxs yerinə yetirir.
İDARƏ HEYƏTİ (İH)
5.1. İH Klubun fəaliyyət planlarını və layihələrini təsdiq edir, səlahiyyətləri çərçivəsində digər məsələlər üzrə qərarlar qəbul edir. İH tərkibi 4 (dörd) nəfərdən ibarətdir:
Nizam-intizam işləri üzrə İH üzvü ;
Tədbir və təlimlərin təşkili məsələləri üzrə İH üzvü
Klubun inkişaf məsələləri üzrə İH üzvü.
Bundan başqa İH üzvləri İH-nın müzakirəsinə çıxarılmış məsələləri sadə səsvermə yolu ilə qəbul və ya rədd etmək səlahiyətlərinə malikdir.
5.2. Nizam-intizam işləri üzrə İH üzvü:
5.2.1. Nizam intizam məsələləri ilə bağlı layihələr irəli sürür , klubda nizam intizamın artırılması ilə bağlı işləri həyata keçirir;
5.2.2. Qayda pozuntusu edən komanda və ya komanda üzvünü İH-ə təqdim edir və görülən tədbir haqqında Klub üzvlərinə məlumat verir;
5.3. NİK:
5.3.1. NİK sədri Klub sədri tərəfindən təyin olunur və qərarları ilə bağlı olaraq yalnız klub sədrinə hesabat verir;
5.3.2. Klub daxili nizam-intizam qaydalarını pozan və öz üzərinə düşən vəzifələri yerinə yetirməyən klub üzvləri cəzalandırılmasını yaxud klubdan kənarlaşdırılmasını təmin edir.
5.4. Tədbir və təlimlərin təşkili məsələləri üzrə İH üzvü:
5.4.1. Tədbir və təlimlərin vaxtı və məkanı ilə bağlı məsələri həll edir.
5.4.2. Tədbir və təlimlərin zamanı tələb olunan maddi vəsaitlərin təşkil edilməsinə, dövrə oyunlarının nəticələrinin tez bir zamanda klub üzvlərinə çatdırılmasına, Tədbir və təlimlərin keçirilməsi ilə bağlı yarana biləcək digər məsələlərin həllinə birbaşa cavabdehdir.
5.5. Klubun inkişaf məsələləri üzrə IH üzvü:
5.5.1. Dövrə oyunları, müxtəlif turnirlər, klubun keçirəcəyi müxtəlif tədbirlər və digər məsələlərlə bağlı komandaları məlumatlandırmaq;
5.5.2. Klubun Əsasnaməsinə əlavə və ya dəyişikliklər edilməsi barədə təkliflərin verilməsi;
5.5.3. Klubun strukturunda dəyişikliklər edilməsi barədə təkliflər verilməsi;
5.5.4. Klubun fəaliyyəti və oyunların gedişi ilə bağlı müzakirə etmək və qərar qəbul etmək;
5.5.5. Bu Əsasnamədə nəzərdə tutulmuş digər məsələlər.
5.6. İH-nin üzvlərinin fəaliyyətinə aşağıdakı hallarda xitam verilir:
5.6.1. Onun Klub üzvlüyünə xitam verildikdə;
5.6.2. Komandaların yarıdan çoxu İH üzvünün fəaliyyətsizliyi barədə Prezidentə şikayət etdikdə və Vitse prezidentlərin hər ikisi bunu təsdiqlədikdə;
5.6.3. Səbəbsiz olaraq İH-nin iclaslarında iştirak etmədikdə;
5.6.4. Öz istəyinə əsasən.
5.6.5. İH üzvünün fəaliyyətinə xitam verildikdə onun səlahiyyətlərini Prezident tərəfindən təyin olunmuş şəxs yerinə yetirir.
V. KLUBUN FƏALİYYƏTİNİN TƏŞKİLİ VƏ LAYİHƏLƏRİ
6.1. Klubun maliyyə fəaliyyəti sponsorlar, üzvlük haqqı, könüllü ianələr, xarici təşkilatlardan alınmış qrantlar hesabına maliyyələşdirilə bilər.
6.2. Klubun büdcə layihəsi İH-nin sadə səs çoxluğu ilə qəbul edilir və sədr tərəfindən təsdiq olunur.
6.3. Klub həyata keçiriləcək tədbirlər üçün layihə təklifi ilə çıxış edir. Yalnız layihə təklifi bəyənildikdən sonra onun maliyyələşdirilməsi həyata keçirilir.
VI. KLUBUN FƏALİYYƏTİNƏ XİTAM VERİLMƏSİ
7.1. Komandaların 3/4 səs çoxluğu ilə qəbul edilmiş qərarı olarsa və İH-də bu məsələyə razı olanların sayı narazı olanların sayından çox olduğu halda Klubun fəaliyyətinə xitam verilə bilər
7.2. Klubun fəaliyyətinə xitam verilməsi mövcud qanunvericilikdə nəzərdə tutulmuş qaydada həyata keçirilir.
YEKUN MÜDDƏALAR
8.1. Bu Əsasnamədə nəzərdə tutulmayan məsələlər qanunvericiliklə tənzimlənir.
8.2. Bu Əsasnaməyə İH-ın qəbul və Klub sədriinn təsdiqindən sonra əlavə və dəyişikliklər edilə bilər.
8.3. Gələcəkdə bu Əsasnamənin müddəaları qanunvericiliklə ziddiyyət təşkil edərsə, qanunvericiliyin müddəaları tətbiq edilir.
.png)
.png)
.png)