Maximum Sahibkarlar Klubunun Əsasnaməsi

 

I. ÜMUMİ MÜDDƏALAR

​

1.1. “Maximum Sahibkarlar Klubu” ümumi maraqlar və könüllülük prinsipləri əsasında Klubun üzvləri  və eyni zamanda şəhərimizin gəncləri, məktəbliləri və tələbələri arasında əlaqə yaratmaq, onların intellektual fəaliyyətini təmin ətmək məqsədi ilə təsis edilmişdir.

1.2. Klub Azərbaycan Respublikasının qanunvericiliyinə və bu Əsasnaməyə uyğun olaraq fəaliyyət göstərir və öz səlahiyyətləri çərçivəsində müstəqildir.

1.3. Klub səlahiyyətləri çərçivəsində dövlət orqanları, qeyri-hökumət təşkilatları və beynəlxalq təşkilatlarla qarşılıqlı əlaqələr yaratmaq hüququna sahibdir.

 

II. KLUBUN ƏSAS MƏQSƏD VƏ VƏZİFƏLƏRİ

​

2.1. Klubun əsas məqsədi Klubun üzvlərinin asudə vaxtını səmərəli təşkil etmək, onların yeni dünyanın iqtisadi vəziyyəti və yeniliklərə ayaq uydurma potensialını üzə çıxarmaq, respublikanın biznes həyatında onların fəal iştirakını təmin etmək, biznes görüşlərinin  daha da artmasına çalışmaq və bu işdə onlara yardım etməkdir.

2.2. Klubun əsas vəzifələri bunlardır:

2.2.1. Klubun üzvlərinin asudə vaxtını səmərəli təşkil etmək;
2.2.2. Klubun üzvlərinin iştirakı ilə müxtəlif növ biznes və idmanl oyunları təşkil etmək;
2.2.3 Gənc nəslin biznesə marağını artırmağa çalışmaq;
2.2.4. Klubun üzvləri arasında qarşılıqlı əməkdaşlıq və dostluqları inkişaf etdirmək; 
2.2.5. Klubun üzvlərini  respublikadaxili və beynəlxalq biznes sərgilərinə dəvət edilməsinə çalışmaq;
2.2.6. Respublikanın daxilində və hüdudlarından kənarda keçirilən forum və görüşlərdə Klub üzvlərinin iştirakının təmin etmək;
2.2.7. Qadağan olunmayan digər vəzifələrin həyata keçirilmək.

 

III. KLUBA ÜZVLÜK, ÜZVLƏRİN HÜQUQ VƏ VƏZİFƏLƏRİ

​

3.1. Kluba üzvlük könüllü xarakter daşıyır.
3.2. Kluba üzvlərin qəbulu Klubun İdarə Heyəti tərəfindən həyata keçirilir. Kluba üzv olmaq istəyənlər Klubun İdarə Heyətinə müraciət edir, müraciətə baxılır və müsbət nəticə bildirildikdə üzvlüyə qəbul həyata keçirilir.
3.3. Klubun üzvləri bərabərhüquqludurlar və aşağıdakı hüquqlara malikdirlər:
3.3.1. Klubun keçirtidiyi görüşlərdə iştirak etmək;
3.3.2. Keçirilən layihələrin təşkilində könüllü fəaliyyət göstərmək;
3.3.3. Klubun fəaliyyəti barədə məlumat almaq;
3.3.4. Müxtəlif təkliflərlə çıxış etmək;

3.4. Klubun üzvləri aşağıdakı vəzifələri daşıyırlar:
3.4.1. Klubun Əsasnaməsinə əməl etmək;
3.4.2. Klubun idarə heyətinin qərarlarını yerinə yetirmək;
3.4.3. Gördüyü işlərə məsuliyyətlə yanaşmaq.

3.5. Klubun üzvlüyünə aşağıdakı hallarda xitam verilir:
3.5.1. Klub ləğv edildikdə;
3.5.2. Könüllü olaraq Klubun üzvlüyündən çıxdıqda;
3.5.3. Klubun idarə heyətinin qərarı ilə üzvlükdən çıxarıldıqda;
3.6. Klubun üzvü üzvlüyünə xitam verilməsindən narazı qaldıqda Klub rəhbərliyinə şikayət etmək hüququ var. Yekun qərar Klubun sədri tərəfindən verilir.

 

IV. KLUBUN STRUKTURU VƏ İDARƏETMƏ ORQANLARI

4.1. Klubun strukturu və idareətmə orqanları aşağıdakılardır:
4.1.1. Sədr
4.1.2. Sədr müavini
4.1.3. İdarə Heyəti (İH)

 

SƏDR
4.2. Kluba Klubun sədri rəhbərlik edir.
4.3. Klubun sədri:
4.3.1. Klubun fəaliyyətinə ümumi rəhbərliyi həyat keçirir, icraedici və sərəncamverici funksiyalar daşıyır;
4.3.2. Klubu təmsil edir və onun adından çıxış edir;
4.3.3. Klubun Əsasnaməsinə əlavə və ya dəyişikliklər təklif edir;
4.3.4. Səlahiyyətinə aid edilmiş qərarların icrasını təşkil edir;
4.3.5. Klubu respublikada və onun hüdudlarından kənarda təmsil etmək üçün klub üzvlərini formalaşdırır.
4.3.6. Hazırlanmış layihələrin maliyyələşdirilməsinə nəzarət edir;
4.3.7. Təşkilat tərəfindən ona aid edilmiş funksiyaları həyata keçirir.
4.4. Sədrin fəaliyyətinə aşağıdakı hallarda xitam verilir:
4.4.1. Klub daxilindəki komandaların şikayəti əsasında, İH Sədrin fəaliyyətsizliyi barədə qərar qəbul edərsə;
4.4.2. Könüllü istefa verərsə;
4.5. Sədrin fəaliyyətinə xitam verildiyi halda növbəti seçkiyə qədər Kluba Sədr müavini başçılıq edir.

 

SƏDR MÜAVİNİ

4.6. Sədr müavini:
4.7.1. İdarəçilik,qanunvericilik, icraedicilik, müxtəlif turnirlər və klubun inkişafi ilə bağı layihələri hazırlayır;
4.7.2. Hazırladığı layihələrə görə məsuliyyət daşıyır və icrasına birbaşa cavabdehdir;
4.7.3. Kütləvi İnformasiya Vasitələri (KİV) ilə, Qeyri Hökumət Təşkilatları (QHT) ilə və digər klublarla qarşılıqlı əlaqə məsələləri ilə məşğul olur;
4.7.4.  Kluba yeni komandaların cəlb edilməsi işinə rəhbərlik edir;
4.7.5. Klubun prezidenti olmadıqda və ya fəaliyyətinə xitam verildikdə onun səlahiyyətlərini Sədr müavini həyata keçirir;
4.7.6. Sədr müavini, həmçinin klubun sədri tərəfindən ona həvalə olunmuş məsələləri həyata keçirir;
4.8. Sədr müavininin fəaliyyətinə aşağıdakı hallarda xitam verilə bilər:
4.8.1. Klubdakı komandaların əksəriyyəti (yarıdan çoxu) tərəfindən Sədr müavininin fəaliyyətsizliyi barədə Sədrə edilən şikayəti İH təsdiq edərsə;
4.8.2. Könüllü istefa verərsə;
4.9. Sədr müavininin fəaliyyətinə xitam verildiyi halda növbəti seçkiyə qədər onun səlahiyyətlərini Klub sədri tərəfindən təyin olunmuş şəxs yerinə yetirir.

 

İDARƏ HEYƏTİ (İH)
5.1. İH Klubun fəaliyyət planlarını və layihələrini təsdiq edir, səlahiyyətləri çərçivəsində digər məsələlər üzrə qərarlar qəbul edir. İH 3 (üç) strukturdan ibarətdir: Sosial Media üzrə məsul şəxs; Təşkilatçılıq üzrə məsul şəxs; Layihələrlə iş üzrə məsul şəxs. Bundan başqa İH üzvləri İH-nın müzakirəsinə çıxarılmış məsələləri sadə səsvermə yolu ilə qəbul və ya rədd etmək səlahiyətlərinə malikdir.
5.2. Sosial Media üzrə məsul şəxs:
5.2.1. Klubun sosial media hesablarının idarə olunmasını həyata keçirir;
5.2.2. Klubun sosial media üçün elanlarının, postlarının hazırlanmasını təmin edir.

5.2.3. Klubun qruplarında yeniliklərin paylaşılmasınə təmin edir.
5.3. Təşkilatçılıq üzrə məsul şəxs:
5.3.1. Klubun görüşünün formatına uyğun olan Klub üzvlərinə dəvət göndərir;
5.3.2. Klubun görüşünün formatına uyğun olan dövlət və özəl qurumların nümayəndələrinə dəvət göndərir;
5.4. Layihələrlə iş üzrə məsul şəxs
5.4.1. Layihələrlə iş bölməsinə isə bütün növ tədbirlərin təşkili ilə məşğul olan İH üzvləri aiddir.
5.4.2. Keçiriləcək görüşün formatını, vaxtını, məkanını təyin edir.

5.4.3. Görüş zamanı yaranmış hər hansısa texniki problemin aradan qaldırılmasını təmin edir.
5.4.4. Klub üzvləri tərəfindən verilən təklifləri qəbul edir və onları dəyərləndirir.

5.5. İH-nin üzvlərinin fəaliyyətinə aşağıdakı hallarda xitam verilir:
5.5.1. Onun Klub üzvlüyünə xitam verildikdə;
5.5.2. Komandaların yarıdan çoxu İH üzvünün fəaliyyətsizliyi barədə Sədrə şikayət etdikdə və Sədr müavini bunu təsdiqlədikdə;
5.5.3. Səbəbsiz olaraq İH-nin iclaslarında iştirak etmədikdə;
5.5.4. Öz istəyinə əsasən.
5.5.5. İH üzvünün fəaliyyətinə xitam verildikdə onun səlahiyyətlərini Klub sədri tərəfindən təyin olunmuş şəxs yerinə yetirir.

V. KLUBUN FƏALİYYƏTİNİN TƏŞKİLİ VƏ LAYİHƏLƏRİ

5.1. Klubun maliyyə fəaliyyəti sponsorlar, üzvlük haqqı, könüllü ianələr, xarici təşkilatlardan alınmış qrantlar hesabına maliyyələşdirilə bilər.
5.2. Klubun büdcə layihəsi İH-nin sadə səs çoxluğu ilə qəbul edilir və Klub sədri tərəfindən təsdiq olunur.
5.3. Klub həyata keçiriləcək tədbirlər üçün layihə təklifi ilə çıxış edir. Yalnız layihə təklifi bəyənildikdən sonra onun maliyyələşdirilməsi həyata keçirilir.

 

VI. KLUBUN FƏALİYYƏTİNƏ XİTAM VERİLMƏSİ

6.1. Əsaslı səbəb olduğu halda Klub üzvlərinin 75%-dən çoxunun səs çoxluğu əsasında Klubun sədri tərəfindən Klubun fəaliyyətinə xitam verilə bilər

6.2. Klubun fəaliyyətinə xitam verilməsi mövcud qanunvericilikdə nəzərdə tutulmuş qaydada həyata keçirilir.

6.3. Klub rəhbərliyi könüllü olaraq klubun fəaliyyətini dayandıra bilər.

 

VII. YEKUN MÜDDƏALAR

7.1. Bu Əsasnamədə nəzərdə tutulmayan məsələlər qanunvericiliklə tənzimlənir.
7.2. Bu Əsasnaməyə İH-ın qəbul və Klub sədrinin təsdiqindən sonra əlavə və dəyişikliklər edilə bilər. 
7.3. Gələcəkdə bu Əsasnamənin müddəaları qanunvericiliklə ziddiyyət təşkil edərsə, qanunvericiliyin müddəaları tətbiq edilir.